ବିଲୁଆ ଆତଙ୍କରେ ଆତଙ୍କିତ ୪ ଗ୍ରାମବାସୀ
Rasmita Behera
ାା ପ୍ରଭାନୁ୍ୟଜ ।ା ଆନନ୍ଦପୁର : ବିଲୁଆ ଆତଙ୍କରେ ଆତଙ୍କିତ ହୋଇ ପଡିଛନ୍ତି ୪ଟି ଗ୍ରାମର ଗ୍ରାମବାସୀ ଏକ ଅଜଣା ଭୟରେ ଭୟଭୀତ ହୋଇ ପଡିଛନ୍ତି କେନ୍ଦୁଝର ଜିଲା ଅନ୍ତର୍ଗତ ଆନନ୍ଦପୁର ବନଖଣ୍ଡ ଅଞ୍ଚଳବାସୀ । ସୂଚନା ଅନୁଯାୟୀ ବରାଙ୍ଗ ସଂରକ୍ଷିତ ଜଙ୍ଗଲ ନିକଟବର୍ତୀ ନାନୀକାବାହାଳୀ, କୀର୍ତନପଟିଆ, ନୂଆମାଳିଆ ଏବଂ ନଣ୍ଡାବାରୋ ଗ୍ରାମରେ ବିଲୁଆର ଅତର୍କିତ ଆକ୍ରମଣ ସ୍ଥାନୀୟ ଲୋକଙ୍କ ନିଦ ହଜାଇଦେଇଛି । ଏନେଇ ଗ୍ରାମର ଅଭିମନୁ୍ୟ ଦଳେଇ ଏବଂ ମଦନମୋହନ ପୂର୍ତି ଅଭିଯୋଗ କରିଛନ୍ତି ବିଲୁଆ ପଛପଟୁ ଆସି କାମୁଡି ଦେଉଥିବା ବେଳେ ଗୃହପାଳିତ ପଶୁ ମାନଙ୍କୁ ମଧ୍ୟ ଆକ୍ରମଣ କରୁଛି । ସେହିପରି ଏହି ୪ଗୋଟି ଗ୍ରାମରେ ୮ଜଣରୁ ଉର୍ଦ୍ଧ ବ୍ୟକ୍ତିଙ୍କୁ ବିଲୁଆ କାମୁଡି ସାରିଲାଣି । ଯାହାଦ୍ୱାରା ଗ୍ରାମରେ କୋକୁଆ ଭୟ ଦେଖିବାକୁ ମିଳିଛି । ଏନେଇ ରେଞ୍ଜର ନବକିଶୋର ନାଏକଙ୍କୁ ପଚାରିବାରୁ ଘଟଣା ସମ୍ପର୍କରେ ସେ ଅବଗତ ଥିବା କହିଥିବା ବେଳେ ଆକ୍ରମଣକାରୀ ବୁଲୁଆକୁ କାବୁ କରିବାକୁ ବନକର୍ମଚାରି ମାନେ ଜାଲ ନେଇ ଘଟଣା ସ୍ଥଳକୁ ଯାଇଥିବା ବେଳେ ଖୁବ୍ଶୀଘ୍ର ଆକ୍ରମଣକାରୀ ବିଲୁଆ ଜାଲରେ ପଡିବ ବୋଲି ନିଜ ପ୍ରତିକ୍ରିୟାରେ କହିଛନ୍ତି ।
