ମସଜିଦ୍ ଧ୍ୱନୀ ପ୍ରଦୂଷଣ ଉପରେ ତୁରନ୍ତ ପଦକ୍ଷେପ ଦାବି
Rasmita Behera
ସମ୍ବଲପୁର: ହନୁମାନ ଜୟନ୍ତୀ ଶୋଭାଯାତ୍ରା ବନ୍ଦ କରିବା ପ୍ରୟାସ ଓ ଅବୈଧ ଧ୍ୱନୀ ପ୍ରଦୂଷଣ ଉପରେ ତୁରନ୍ତ ପଦକ୍ଷେପ ନେବାକୁ ହନୁମାନ ଜୟନ୍ତୀ ସମନ୍ୱୟ ସମିତି ସମ୍ବଲପୁର ପକ୍ଷରୁ ଦାବି କରାଯାଇଛି । ଏନେଇ ଏକ ଦାବିପତ୍ର ଜିଲ୍ଲାପାଳ ସିଦେ୍ଧଶ୍ୱର ବଳିରାମ ବୋନ୍ଦରଙ୍କୁ ପ୍ରଦାନ କରାଯାଇଛି । ପ୍ରଦତ୍ତ ଦାବିପତ୍ରରେ ଉଲ୍ଲେଖ ରହିଛି ଯେ, ସମ୍ବଲପୁର ସହରରେ ହନୁମାନ ଜୟନ୍ତୀ ଶୋଭାଯାତ୍ରା ଉପରେ କଟକଣା ଲଗାଇବା ପାଇଁ ସ୍ଥାନୀୟ ସଂଖ୍ୟାଲଘୁ ସଂପ୍ରଦାୟର କିଛି ବ୍ୟକ୍ତି ହାଇକୋର୍ଟରେ ଜନସ୍ୱାର୍ଥ ମାମଲା ଦାୟର କରିଥିଲେ । ଏହା ହିନ୍ଦୁ ମାନଙ୍କ ଆସ୍ଥା, ପରମ୍ପରା ଓ ସଂସ୍କୃତି ଉପରେ ଗଭୀର ଆଘାତ ଲାଗିଛି । ଯାହାକି ସମ୍ବଲପୁରର ଭାଇଚାରା ଓ ସାମାଜିକ ଶାନ୍ତି ଉପରେ ବିପରୀତ ପ୍ରଭାବ ପକାଉଛି । ଅନ୍ୟପଟେ ମସ୍ଜିଦ୍ ଗୁଡିକରେ ଅବୈଧ ଧ୍ୱନି ପ୍ରଦୂଷଣ ସମସ୍ୟା ଦେଖାଯାଉଛି । ଉଚ୍ଚ ଧ୍ୱନି ପ୍ରଦୂଷଣ ଯୋଗୁଁ ଛାତ୍ରଛାତ୍ରୀ, ବୃଦ୍ଧ ଓ ହୃଦ୍ରୋଗୀ ମାନଙ୍କ ପାଇଁ ଗଭୀର ସମସ୍ୟା ସୃଷ୍ଟି ହେଉଛି । ଏଭଳି ସ୍ଥଳେ ଶାନ୍ତିପୂର୍ଣ୍ଣ ଶୋଭାଯାତ୍ରାକୁ ସୁନିଶ୍ଚିତ କରିବା, ସାଂପ୍ରଦାୟିକତା ହିଂସା ଚକ୍ରାନ୍ତକାରୀଙ୍କ ଉପରେ କାର୍ଯ୍ୟାନୁଷ୍ଠାନ, ସରକାରୀ ଜମିରେ ଥିବା ମୁକ୍ତାର ଅନସାରୀଙ୍କ ଅବୈଧ ଘରକୁ ତୁରନ୍ତ ଅପସାରଣ, ଅପରାଧି ଉପରେ ଆଇନଗତ କାର୍ଯ୍ୟାନୁଷ୍ଠାନ ସହ ସମ୍ବଲପୁରରେ ଶାନ୍ତି ଓ ସୁସମ୍ବନ୍ଧ ରକ୍ଷା କରିବା ଉପରେ ପଦକ୍ଷେପ ଗ୍ରହଣ କରିବାକୁ ଅନୁରୋଧ କରାଯାଇଛି । ଏଥିରେ ମୁଖ୍ୟ ସଂଯୋଜକ ଜୟବ୍ରତ ଦେ, ଗୋବିନ୍ଦ ପ୍ରସାଦ ଅଗ୍ରୱାଲ, ରାଜୀବ ଲୋଚନ ସାହୁ, କାହ୍ନୁରାମ ଶର୍ମା, ଅନୀÿଲ ବେହେରା, କାର୍ତ୍ତିକ ପ୍ରସାଦ ବହିଦାର ଓ ଆତ୍ମରାମ ସୁପକାର ପ୍ରମୁଖ ଉପସ୍ଥିତ ଥିଲେ ।
