ମାରଣାସ୍ତ୍ର ଦେଖାଇ ସୁନାଗହଣା ଓ ଟଙ୍କା ଲୁଟ୍
Rasmita Behera
ାା ପ୍ରଭାନୁ୍ୟଜ ।ା ନୀଳଗିରି : ଘରେ ପଶି ଧମକ ଚମକ ଦେବା ସହିତ ଖଣ୍ଡା ଓ ଭୁଜାଲି ଦେଖାଇ ସୁନାଗହଣା ସମେତ ଟଙ୍କା ଲୁଟ୍ ହୋଇଥିବା ନେଇ ନୀଳଗିରି ଥାନାରେ ଅଭିଯୋଗ ହୋଇଥିବା ଜଣାପଡିଛି । ସୂଚନା ଅନୁଯାୟୀ, ନୀଳଗିରି ଥାନା ଅଧୀନସ୍ଥ ଧୋବଶିଳା ପଞ୍ଚାୟତ ଗୋପୀନାଥପୁର ଗ୍ରାମର ବଂଶୀଧର ପଣ୍ଡାଙ୍କ ଘରେ ଗୁରୁବାର ରାତ୍ରି ପ୍ରାୟ ୧୨ଟା ପରେ ଏକ ହୁଣ୍ଡାଇ ନଂ ଓଆର୦୫ଆର ୧୫୦୨କାରରେ ୪/୫ଜଣ ଦୁର୍ବୃତ୍ତ ଆସି କବାଟ ବାଡେଇଥିଲେ । ଶ୍ରୀ ପଣ୍ଡାଙ୍କ ପୁଅ ଶୁଭ୍ରଜିତ୍ କବାଟ ଖୋଲିବା ପରେ ୨ଜଣ ଯୁବକ ପରିବାର ଲୋକଙ୍କୁ ଭୁଜାଲି ଓ ଖଣ୍ଡା ଦେଖାଇ ଗଡ୍ରେଜ୍ ଚାବି ମାଗି ଗଡରେଜରେ ଥିବା ୭୦ହଜାର ଟଙ୍କା ସହ ସୁନାଗହଣା ଲୁଟି କାରରେ ପଳାଇ ଯାଇଥିବାବେଳେ ଘରର ବାହାର ପଟୁ କବାଟ ବନ୍ଦ କରି ପଳାଇଯାଇଥିଲେ । ଏ ନେଇ ଶୁକ୍ରବାର ସକାଳେ ନୀଳଗିରି ଥାନାରେ ଏକ ଏତଲା ଦେଇଛନ୍ତି ଶ୍ରୀ ପଣ୍ଡାଙ୍କ ସ୍ତ୍ରୀ ମିନତୀ ପଣ୍ଡା । ଏଥିସହିତ ଏହି ଚୋରି ଓ ଲୁଟ୍ ଘଟଣାରେ ତନଞ୍ଜୟ ପାତ୍ର ଓରଫ ମାନସ ପାତ୍ରଙ୍କ ନାମ ଓ ମୋବାଇଲ ନମ୍ବର ଉଲ୍ଲେଖ କରିବା ସହିତ ତାଙ୍କର ସଂପୃକ୍ତି ଥିବା ଶ୍ରୀମତୀ ପଣ୍ଡା ଏତଲାରେ ଉଲ୍ଲେଖ କରିଛନ୍ତି । ତେବେ କିଏ ସେହି ତନଞ୍ଜୟ ଓରଫ ମାନସ୍ ଏ ନେଇ ପୁଲିସ ଅଧିକ ତଦନ୍ତ ଜାରି ରଖିଥିବା ବେଳେ ପ୍ରକୃତରେ ସଂପୃକ୍ତ ଚୋରି ଘଟଣାରେ କୌଣସି ସତ୍ୟତା ରହିଛି ନା ଏହାକୁ ଚୋରିର ରୂପ ଦିଆଯାଇଛି ଏହାକୁ ନେଇ ସନେ୍ଦହ ଉପୁଜିଛି । ତେବେ ପ୍ରାଥମିକ ପୁଲିସ ତଦନ୍ତରେ ଚୋରି ମାମଲାରେ ସେଭଳି କୌଣସି ସୁରାକ ପାଇନଥିବା ସୂଚନା ଦେଇଛି ।
