ଲକ୍ଷ୍ମୀ ବସ୍ ଡ୍ରାଇଭରଙ୍କ ଧର୍ମଘଟ, ଯାତ୍ରୀ ହନ୍ତସନ୍ତ
Rasmita Behera
4629
ନିଆଳି: ନିଆଳି ବ୍ଲକ୍ରେ ୪ ଗୋଟି ଲକ୍ଷ୍ମୀ ବସ୍ ସେବା ୨୩ ଗୋଟି ପଞ୍ଚାୟତକୁ ଯୋଗାଇ ଦିଆଯାଇଥିବାବେଳେ ବସ୍ ଚଳାଚଳ ପାଇଁ ୫ ଗୋଟି ଡ୍ରାଇଭର୍ ନିଯୁକ୍ତି ହୋଇଛନ୍ତି । ହେଲେ ସେମାନେ ୩ ଦଫା ଦାବି ନେଇ ବସ୍ ବନ୍ଦ କରିବା ସହ ଧର୍ମଘଟ କରିଛନ୍ତି । ଯାହାଫଳରେ ଯାତ୍ରୀମାନେ ୟାତାୟତ ପାଇଁ ନାର୍ହି ନଥିବା ଅସୁବିଧାର ସମ୍ମୁଖିନ ହେଉଛନ୍ତି । ତେବେ ସେମାନଙ୍କ ଦାବିଗୁଡି ମଧ୍ୟରେ ସେମାନଙ୍କୁ ସ୍ଥାୟୀ ଚାକିରୀ ନିଯୁକ୍ତି ଦିଆଯାଉ, ଦରମା ବୃଦ୍ଧି, ଇଏସ୍ଆଇଏସ୍ କାର୍ଡ, ପିଏଫ୍ କାର୍ଡ ଓ ଦରମା ସ୍ଲିପ୍ ପ୍ରାପ୍ତ କରାଯାଉ ଆଦି ଉଲ୍ଲେଖ ରହିଛି । ଏହି ସବୁ ଦାବି ଗୁଡିକ ଠିକା ନେଇଥିବା କମ୍ପାନୀ ଚାଟାର୍ଡ ସୁଇଚ୍ ଲିମିଟେଡ୍ ଯଥାଶୀଘ୍ର ପୂରଣ କରନ୍ତୁ, ନଚେତ ଗାଡି ଚଳାଚଳ ବନ୍ଦ ରହିବ ବୋଲି ଡ୍ରାଇଭର ସୁବାଷ ଦାସ, ଅରୁଣ ମଲ୍ଲିକ, ଶିଖର ରାଉତ, ସନ୍ତୋଷ ଦାସ, ବିଜୟ କୁମାର ଭୋଇ ପ୍ରମୁଖ ଜିଦ୍ରେ ଅଟଳ ରହିଛନ୍ତି ।
