ଲାଭର ଲୋଭ

ଆଜ୍ଞା ନମସ୍କାର,
ଛୋଟ କଥାର ବଡ ବି·ର 'ଅମୃତ ବିନ୍ଦୁ ।' 'ଅମୃତ ବିନ୍ଦୁ'ର ଆଜିର ଅଧ୍ୟାୟରେ ଆମେ ଅନୁଶୀଳନ ଓ ଅନୁଭବ କରିବା ଲାଭର ଲୋଭ ବାବଦରେ କିଛି କଥା । ଆଜିର କଥାକୁ ଆପଣ ଗ୍ରହଣ କରିବେ, ବି·ରିବେ ବୋଲି ଆଶା ।
ମଣିଷ ·ହେଁ ସବୁକ୍ଷେତ୍ରରେ ଲାଭ ହେଇଯାଉ, ନିଜ ଭାଗରେ ସବୁତକ ଲାଭ ପଡ଼ିଯାଉ । ଏମିତିରେ କଣ ଜୀବନର ହିସାବ ଖାତା ଭର୍ତ୍ତି ହୋଇପାରେ କି ? ପ୍ରଚୁର ଲାଭର ଇଚ୍ଛା ଓ ଚେଷ୍ଟା ସତ୍ୱେ ମଣିଷକୁ ଅନେକ କିଛି ନଷ୍ଟି ସହିବାକୁ ପଡ଼େ ।
ଜୀବନଟା ହେଉଛି ଲାଭ ଓ କ୍ଷତିର ଏକ ହିସାବ ଖାତା । ଏଠି ଲାଭ ଓ କ୍ଷତି ଜୀବନର ବିଭିନ୍ନ ପର୍ଯାୟକୁ ନେଇ ହୁଏ । ପାରିବାରିିକ ଜୀବନ, ଦାମ୍ପତ୍ୟ ଜୀବନ, ସାମାଜିକ ଜୀବନ, ଆର୍ଥିକ ଅବସ୍ଥା, ସାମାଜିକ ପ୍ରତିଷ୍ଠା, ସମାଜରେ ଖ୍ୟାତି ଆଦି ବିଭିନ୍ନ ସୋପାନରେ ମଣିିଷ ଲାଭ ଓ କ୍ଷତିର ହିସାବରେ ଥାଏ । କେତେବେଳେ କୋଉଠି ଲାଭ ହେଲେ, ଆଉ କେତେବେଳେ କୋଉଠି କ୍ଷତି ହେଇଯାଏ ।
ମଣିଷ ଜୀବନର ଅନେକ ସମୟରେ କେବଳ ମନେ ମନେ ନିଜର ଲାଭ-କ୍ଷତିକୁ ଗୁଣି ହୁଏ । ଲାଭର ହିସାବକୁ ଛାଡ଼ି, ନଷ୍ଟିର ହିସାବଟାକୁ ବେଶୀ ଦେଖେ । ଗୁଣୁଗୁଣୁ ହେଇ ନିଜକୁ ନିଜେ ହିସାବ ଦିଏ । ଜୀବନର ଅନ୍ତିମ ଅବସ୍ଥାରେ ତ ଏ ହିସାବ ଅଧିକ । ଏଇ କାମଟା ରହିଗଲା' ଏଇଟା ମିଳିଲା ନାହିଁ' ଏଇଟା ପାରିଲି ନାହିଁ' ଆଦି ଚିନ୍ତା, ମଣିଷକୁ ଜୀବନର ଶେଷ ଅବସ୍ଥାରେ ଘାରେ । ସେତେବେଳେ ଆଉ ସେସବୁ ହିସାବ ନିକାଶର ମୂଲ୍ୟ ନଥାଏ ।
ମଣିଷକୁ ଯିବାକୁ ହୁଏ ଏବଂ ଖାଲି ହାତରେ ହିଁ ଯିବାକୁ ହେବ । କିଏ କିଛି ନେଇନାହିଁ, କିଏ କିଛି ନେଇ ପାରିିବ ନାହିଁ । ମହାଭାରତର ସ୍ୱର୍ଗାରହଣ ପର୍ବ ଭଳି ଯେତିକି ଖାଇଛ ସେତିକିରେ ·ଲ, ଆଉ ଖାଇବା ପାଇଁ ସୁଯୋଗ ହିଁ ନାହିଁ' ଅବସ୍ଥା ଜୀବନରେ ନିଶ୍ଚୟ ଆସେ ।
ଆଉ ଲାଭ ଅପେକ୍ଷା ନଷ୍ଟିକୁ ନେଇ ବେଶୀ ଭାବେ । ଏମିତିରେ ଯଦି ଅନ୍ତିମ ଅବସ୍ଥା ଅ ।ସିଗଲା, ତେବେ ଅନ୍ୟମାନେ ଲାଭର ହିସାବ କରିନିଅନ୍ତି । ଅନ୍ତିମ ଅବସ୍ଥା କେତେବେଳେ, କୋଉ ସମୟରେ ବି ଆସିପାରେ, ଗ୍ରାସିପାରେ । ଅନ୍ତିମ ଅବସ୍ଥା ବେଳକୁ କେହି ଅନ୍ୟମାନେ ଲାଭର ହିସାବ କରନ୍ତି । ଏତିକି ବେଳକୁ ଲାଭ ବୋଲି ତମାମ୍ ଜୀବନରେ ଜଣେ ଯାହା ସ ିଥାଏ, ସେତକକୁ ନେବା ପାଇଁ ଅନ୍ୟମାନେ ହିସାବ କରି ନେଇଥାନ୍ତି । ଆଉ ·ଲିଗଲେ, ଆତ୍ମୀୟସ୍ୱଜନ ଦୁଃଖ କରିବା ବଦଳରେ କଣ ଲାଭ ହେବ, ତାର ଆଗୁଆ ହିସାବ କିତାବ ତିଆରି କରିବାରେ ଲାଗିପଡ଼ନ୍ତି! ଆଉ କିଛି ଭଲ କାମ କରିଥିଲେ, ମରିଗଲା ପରେ ଜଣଙ୍କର ଜୀବନ ଉଦେ୍ଦଶ୍ୟଟା ସଫଳ ହେଲା କି ବିଫଳ ହେଲା ତାର ହିସାବ ଖାତା ଅନ୍ୟମାନେ ଲେଉଟାନ୍ତି । ·ଲିଗଲା ପରେ ଯେଉଁ ହିସାବ ଖାତା ଖୋଜିବସନ୍ତି ତାହା ହିଁ ବୋଧ ହୁଏ ଜୀବନର ପ୍ରକୃତ ମୂଲ୍ୟାୟନ ।
ଟିକେ ଗଭୀର ଭାବେ ଭାବିଲେ ଲାଗେ, ନିଜ ଜୀବନ ପାଇଁ ନିଜେ କରିଥିବା ହିସାବ ଖାତାର କିଛି ମୂଲ୍ୟ ନଥାଏ । ତେଣୁ ଖାଲି ଲାଭ-ନଷ୍ଟିର ହିସାବ ଜୀବନ ଖାତାଟିକୁ ଭର୍ତ୍ତି ନକରି, ଜୀବନକୁ ଟିକେ ଉପଭୋଗ କରିଥିଲେ ଭଲ ।
ପଢିଥିବା ହେତୁ ଆପଣଙ୍କ ନିକଟରେ କୃତଜ୍ଞ । ଆସନ୍ତୁ ପ୍ରତ୍ୟେକ ଦିନ ଆମେ ‘ଅମୃତ ବିନ୍ଦୁ' ମାଧ୍ୟମରେ ଜୀବନର କେତେ କଥା ବାବଦରେ ଜାଣିବା । ନମସ୍କାର ।