ଶିଶୋଓ ବିଦ୍ୟାଳୟରେ ପୋଷାକ ବଣ୍ଟନ
Rasmita Behera
ଗୋପ : ପୁରୀ ଜିଲ୍ଲା ଅଧିନସ୍ତ ଗୋପ ବ୍ଲକ ଅନ୍ତର୍ଗତ ଶିଶୋଓ ଉନ୍ନିତ ଉଚ୍ଚ ପ୍ରାଥମିକ ବିଦ୍ୟାଳୟରେ ସରକାରଙ୍କ ପକ୍ଷରୁ ନୂତନ ପୋଷାକ ବଣ୍ଟନ କାର୍ଯ୍ୟକ୍ରମ ବିଦ୍ୟାଳୟର ସଭାପତି ଅଭୟ ଭଟ୍ଟଙ୍କ ସଭାପତିତ୍ୱରେ ଅନୁଷ୍ଠିତ ହୋଇଯାଇଛି । ଉକ୍ତ କାର୍ଯ୍ୟକ୍ରମରେ ମୁଖ୍ୟଅତିଥି ଭାବେ ୧୧ ନମ୍ବର ଜିଲ୍ଲା ପରିଷଦ ସଭ୍ୟ ପ୍ରମୋଦ ରାୟ ଓ ମୁଖ୍ୟବକ୍ତା ଭାବେ ଗଣେଶ୍ୱରପୁର ଗ୍ରାମ ପଞ୍ଚାୟତର ସରପଞ୍ଚ ଫୁଟୁର ବେହେରା ଯୋଗଦେଇ ସ୍କୁଲରେ ମାଗଣା ପୋଷାକ ବଣ୍ଟନର ସରକାରଙ୍କ ଲୋକାଭିମୁଖୀ କାର୍ଯକ୍ରମକୁ ପ୍ରଶଂସା କରିଥିଲେ । ଏଥିସହିତ ବିଦ୍ୟାଳୟରେ ଶ୍ରେଣୀଗୃହର ଅଭାବ ଥିବାରୁ ଶିକ୍ଷାଦାନ ବ୍ୟାଘାତ ହେଉଥିବାରୁ ଯଥାଶୀଘ୍ର ନୂତନ ଶ୍ରେଣୀ ଗୃହ ନିର୍ମାଣ କରାଯିବ ବୋଲି ଶ୍ରୀ ରାୟ ପ୍ରତିଶ୍ରୁତି ଦେଇଥିଲେ । ପ୍ରଧାନଶିକ୍ଷକ ଶିବଦତ୍ତ ନାୟକ ବିଦ୍ୟାଳୟର ବିଭିନ୍ନ ସମସ୍ୟା ସମ୍ପର୍କରେ ଅବଗତ କରାଇଥିଲେ । ୧୫୮ ଜଣ ଛାତ୍ର ଛାତ୍ରୀଙ୍କୁ ପୋଷାକ ବଣ୍ଟନ କରାଯାଇଥିଲା । ଏହି କାର୍ଯ୍ୟକ୍ରମକୁ ବିଦ୍ୟାଳୟର ଶିକ୍ଷକ ଦୀନକୃଷ୍ଣ ପ୍ରଧାନ, ଲୋପାମୁଦ୍ରା ସେଠୀ, ପ୍ରାମୋଦିନୀ ପଟ୍ଟନାୟକ, ସ୍ୱାଗତିକା ନାୟକ, ବାସନ୍ତୀ ବେହେରା ଓ ସତ୍ୟଭାମା ବେହେରା ପରିଚାଳନା କରିବା ସହିତ ପୋଷାକ ବଣ୍ଟନରେ ସହଯୋଗ କରିଥିଲେ ।
