ସୂଚନା ଓ ଲୋକ ସଂପର୍କ ବିଭାଗ ଦୁଇ କର୍ମଚାରୀଙ୍କୁ ଅବସର ସମ୍ୱର୍ଦ୍ଧନା
Rasmita Behera
ାା ପ୍ରଭାନୁ୍ୟଜ ।ା ଯାଜପୁର ଟାଉନ: ଜିଲା ସୂଚନା ଓ ଲୋକ ସଂପର୍କ କାର୍ଯ୍ୟାଳୟର ଦୁଇ କର୍ମଚାରୀଙ୍କୁ ଅବସର ସମ୍ବର୍ଦ୍ଧନା ଦିଆଯାଇଛି । କ୍ଷିପ୍ରଲେଖିକା ମିନତୀ ଦାଶ ଓ ନିକ୍ଷେପକ ଶାନ୍ତନୁ କୁମାର ସାହୁ ସରକାରୀ ଚାକିରୀରୁ ଅବସର ନେଉଥିବା ଉପଲକ୍ଷେ ଅଧିକାରୀ ଲକ୍ଷ୍ମଣ କୁମାର ବେହେରାଙ୍କ ସହ ସମସ୍ତ କର୍ମଚାରୀ ସେମାନଙ୍କୁ ସମ୍ୱର୍ଦ୍ଧନା ପ୍ରଦାନ କରିବା ସହିତ ସେମାନଙ୍କର ସୁଖ, ସମୃଦ୍ଧି, ସୁସ୍ଥ ଓ ନିରାମୟ ଜୀବନଯାପନ କାମନା କରିଥିଲେ । ଆୟୋଜିତ ଏକ ବୈଠକରେ ସୂଚନା ଓ ଲୋକ ସଂପର୍କ ଅଧିକାରୀ ଶ୍ରୀ ବେହେରା ଅଧ୍ୟକ୍ଷତା କରିଥିଲେ । ଶ୍ରୀମତୀ ଦାଶ ଓ ଶ୍ରୀ ସାହୁଙ୍କ ଅମାୟିକ ବ୍ୟବହାର ଓ ଆନ୍ତରିକ କାର୍ଯ୍ୟ ପରିଚାଳନାକୁ ପ୍ରଶଂସା କରିଥିଲେ । ଏହି ଅବସରରେ ଉଭୟଙ୍କୁ ପ୍ରୋଭିଜିନାଲ ପେନ୍ସନ ଅର୍ଡର ସହ ମାନପତ୍ର, ଟ୍ରଫି ଉତ୍ତରୀୟ ଓ ପୁଷ୍ପଗଚ୍ଛ ପ୍ରଦାନ କରି ସମ୍ବର୍ଦ୍ଧିିତ କରାଯାଇଥିଲା । ସେହିପରି ସୂଚନା କେନ୍ଦ୍ର ଓ ପାଠାଗାରର କର୍ମଚରୀ ରବିନ୍ଦ୍ର କୁମାର ଦାସଙ୍କର ଜିଲାସୂଚନା ଓ ଲୋକ ସଂପର୍କ କାର୍ଯ୍ୟାଳୟ, ପୁରୀକୁ କନିଷ୍ଠ ଭଣ୍ଡାର ରକ୍ଷକ ପଦବୀକୁ ପଦୋନ୍ନତି ହୋଇଥିବାରୁ ତାଙ୍କୁ ପୁରୀ ଜିଲା ସୂଚନା ଓ ଲୋକ ସଂପର୍କ କାର୍ଯ୍ୟଳୟରେ ଯୋଗ ଦେବାକୁ ଭାରମୁକ୍ତ କରାଯାଇ ସମ୍ୱର୍ଦ୍ଧିତ କରାଯାଇଛି । ଏଥିରେ ଜିଲ୍ଲା ସୂଚନା ଓ ଲୋକ ସଂପର୍କ କାର୍ଯ୍ୟାଳୟର କର୍ମଚାରୀ ନିତ୍ୟାନନ୍ଦ ନାୟକ, ସତ୍ୟଜିତ୍ ନାୟକ, ହରପ୍ରିୟା ସାହୁ, ରତିକାନ୍ତ ମହାନ୍ତି, ପୂର୍ବତନ କର୍ମଚାରୀ ବାରୁଣୀ ସେଠୀ ଉପସ୍ଥିତ ରହିଥିଲେ ।
