ଦୃଷ୍ଟିହୀନଙ୍କୁ ସ୍ମାର୍ଟ ଷ୍ଟିକ୍ ଓ ଚଷମା ପ୍ରଦାନ
Rasmita Behera
4332
ଢେଙ୍କାନାଳ : ଢେଙ୍କାନାଳ ସହର ଉପକଣ୍ଠ କଣ୍ଟାନାଳୀ ବାଇପାସ୍ ସ୍ଥିତ ନନ୍ଦିନୀ ଦେବୀ ବିଧିର ବିଦ୍ୟାଳୟ ଠାରେ ଜିଲ୍ଲାପାଳ ସୋମେଶ କୁମାର ଉପାଧ୍ୟାୟ ୨୭ ପୂର୍ବତନ ଛାତ୍ରଛାତ୍ରୀଙ୍କୁ ଓ ଅନ୍ୟ ଦୃଷ୍ଟିହୀନ ବ୍ୟକ୍ତିଙ୍କୁ ଗମନାଗମନ ସୁବିଧା ନିମନ୍ତେ ସ୍ମାର୍ଟ ଚଷମା ଓ ସ୍ମାର୍ଟ ଷ୍ଟିକ୍ ପ୍ରଦାନ କରିଛନ୍ତି । ଓଏନଜିସିର ସିଏସ୍ଆର୍ ଫଣ୍ଡରୁ ଏହି ଆଧୁନିକ ସହାୟକ ଉପକରଣ ଯୋଗାଇ ଦିଆଯାଇଛି । ହିତଧିକାରୀମାନଙ୍କୁ ଏହି ଉପକରଣର ବ୍ୟବହାର ଓ ଉପକାରିତା ସମ୍ପର୍କରେ ଓଏନଜିସିର ସଷ୍ଟେନେବଲ ଡେଭେଲପମେଣ୍ଟର ହେଡ୍ ଦିନେଶ ବେହେରା ବୁଝାଇଥିଲେ । ଏହି କାର୍ଯ୍ୟକ୍ରମରେ ଜିଲ୍ଲା ସମାଜ ସୁରକ୍ଷା ଅଧିକାରୀ ନରେଶ ଚନ୍ଦ୍ର ସ୍ୱାଇଁ, ଆପାତକାଳୀନ ଅଧିକାରୀ ଅଶ୍ୱିନୀ କୁମାର ଦାସ, ଅକ୍ଷମ କଲ୍ୟାଣ ସମିତିର ସଭାପତି ପ୍ରଦୁ୍ୟମ୍ନ ରଥ, ସଂପାଦକ ବିଶ୍ୱନାଥ ବେହେରା, ସଦସ୍ୟ ପଦ୍ମ ଲୋଚନ ମହାପାତ୍ର, କୃଷ୍ଣଚନ୍ଦ୍ର ଦ୍ୱିବେଦୀ, କୋଷାଧ୍ୟକ୍ଷ ମଳୟ କୁମାର ପାଣିଗ୍ରାହୀ ପ୍ରମୁଖ ଉପସ୍ଥିତ ଥିଲେ ।
