ହୋମିଓପାଥି ସଂଘର କର୍ମକର୍ତ୍ତା ଚୟନ
Rasmita Behera
4509
ସାରସକଣା : ମୟୂରଭଞ୍ଜ ଇଲେକ୍ଟ୍ରୋ ହୋମିଓପାଥି ଆସୋସିଏସନର ଉପଦେଷ୍ଟା ତଥା ପୂର୍ବତନ ବିଧାୟକ ଡାକ୍ତର ବୁଢାନ ମୁର୍ମୁଙ୍କ ଅଧ୍ୟକ୍ଷତାରେ ଆସୋସିଏସନର ନୂତନ କର୍ମକର୍ତ୍ତା ନିର୍ବାଚନ ଅନୁଷ୍ଠିତ ହୋଇଯାଇଛି । ଏହି ନିର୍ବାଚନରେ ମୟୂରଭଞ୍ଜ ଜିଲ୍ଲାର ଡାକ୍ତରମାନେ ବହୁ ସଂଖ୍ୟାରେ ଯୋଗ ଦେଇ ଡକ୍ଟର ସରୋଜ ନାୟକଙ୍କୁ ସଭାପତି ଭାବେ ନିର୍ବାଚିତ କରିଥିବାବେଳେ ଉପସଭାପତି ଭାବେ ଡକ୍ଟର ମନୋରଞ୍ଜନ ସେନାପତି, ସମ୍ପାଦକ ଭାବେ ଡକ୍ଟର କୂଳବଲ୍ଲଭ ପାତ୍ର, ସହସମ୍ପାଦକ ଭାବେ ଶାନ୍ତନୁ ଘୋଷ,କୋଷାଧକ୍ଷ ଭାବେ ଡକ୍ଟର ଗୋପାଳ ଚନ୍ଦ୍ର ସାହୁ ନିର୍ବାଚିତ ହୋଇଥିଲେ । ଡକ୍ଟର ବୁଢାନ ମୁର୍ମୁ ଓ ଡାକ୍ତର ଚୂଡ଼ାମଣି ପାତ୍ରଙ୍କୁ ଉପଦେଷ୍ଟା ଭାବେ ଗ୍ରହଣ କରାଯାଇଥିଲା । ଶେଷରେ ଡକ୍ଟର ବୁଢାନ ମୁର୍ମୁ ନବନିର୍ବାଚିତ ସମସ୍ତ କର୍ମକର୍ତ୍ତାଙ୍କୁ ଶପଥପାଠ କରାଇଥିଲେ । ଆସୋସିଏସନ ପକ୍ଷରୁ ଏକ ଦାତବ୍ୟ ଚିକିତ୍ସାଳୟ ଆସନ୍ତା ଏପ୍ରିଲ ପହିଲାରୁ ଝାରପୋଖରିଆ ଠାରେ ଆରମ୍ଭ ହେବ ବୋଲି ସଭାପତି ଡକ୍ଟର ନାୟକ ସୂଚନା ଦେଇଛନ୍ତି ।
