ରାସ୍ତା ନଥିବାରୁ ଗ୍ରାମବାସୀଙ୍କ ଭୋଟ ବର୍ଜନ ନିଷ୍ପତ୍ତି
Rasmita Behera
4644
ଖଇରା :ବାଲେଶ୍ୱର ଜିଲା ଖଇରା ବ୍ଲକ ମାଣିତ୍ରୀ ଗ୍ରାମ ପଞ୍ଚାୟତ ଅଧୀନ କଇଁଗଡିଆ, ବାଘୁଆ, ଟେକଚନ୍ଦନପୁର, ସଜନାବାଜ ଗ୍ରାମର ଅଧିବାସୀମାନେ ରାସ୍ତା ନିର୍ମାଣ ଦାବିରେ ଭୋଟବର୍ଜନ ପାଇଁ ଚେତାବନୀ ଦେଇଥିଲେ । ଘଟଣା ବିଭିନ୍ନ ଗଣମାଧ୍ୟମରେ ପ୍ରକାଶ ପାଇବା ପରେ କଂଗ୍ରେସର ସିମୁଳିଆ ବିଧାୟକ ପ୍ରାର୍ଥୀ ହିମାଂଶୁ ଶେଖର ବେହେରା ଶନିବାର ପୂର୍ବାହ୍ନରେ ଗ୍ରାମବାସୀଙ୍କ ସହ ଆଲୋଚନା ଅବସରରେ ନିର୍ବାଚନ ପରେ ରାସ୍ତା ମରାମତି ର ବ୍ୟବସ୍ଥା କରାଇବାକୁ ପ୍ରତିଶୃତି ଦେଇଥିଲେ ହେଁ ଗ୍ରାମବାସୀ ମାନେ ନିର୍ବାଚନ ପୁର୍ବରୁ ରାସ୍ତା ନିର୍ମାଣ ପାଇଁ ଅଡିବସିଥିଲେ । ଏଥିପାଇଁ ସେ ପ୍ରଶାସନକୁ ଅବଗତ କରାଇବେ ବୋଲି ଉପସ୍ଥିତ ଥିବା ୧୨ଶହରୁ ଉର୍ଦ୍ଧ ଗ୍ରାମବାସୀଙ୍କୁ ପ୍ରତିଶୃତି ଦେଇଥିଲେ । ଆଲୋଚନା ସମୟରେ ବ୍ଲକ କଂଗ୍ରେସ ସଭାପତି ଶରତ ଦାସ,ନିରଞ୍ଜନ ପରିଡା,ପ୍ରଫୁଲ୍ଲ କୁମାର ସାହୁ ତଥା ଗ୍ରାମର ୱାର୍ଡସଭ୍ୟ ମନୋରମା ଓଝା ପ୍ରମୁଖ ଉପସ୍ଥିତ ଥିଲେ ।
