୩ ବର୍ଷ ୮ ମାସ ପରେ ଫେରାର ଲୁଟେରା ଗିରଫ
Jitendra Sahu
ଭୁବନେଶ୍ୱର, ୧୭ା୪ : ଦିର୍ଘ ୩ ବର୍ଷ ୮ ମାସ ହେବ ବାଇକ ଚୋରି ମାମଲାରେ ଫେରାର ଥିବା ଅଭିଯୁକ୍ତକୁ ବୁଧବାର ଗିରଫ କରିଛି ଲକ୍ଷ୍ମୀସାଗର ଥାନା ପୁଲିସ । ଗିରଫ ଅଭିଯୁକ୍ତ ହେଲା କେନ୍ଦ୍ରପଡ଼ା ଜିଲ୍ଲାର ଜିତେନ୍ଦ୍ର ପାଣି ଓରଫ ଗଣେଶ । ପରେ ଥାନା କେସ ନମ୍ବର ୨୦୧, ଦଫା ୩୭୯ରେ କୋର୍ଟ ଚାଲାଣ କରାଯାଇଛି ।
ସୂଚନାଯୋଗ୍ୟ ଯେ, ଗତ ତା ୨୦.୦୭.୨୦୧୯ ରିଖରେ ଅଭିଯୋଗକାରୀ ପ୍ରମୋଦ କୁମାର ଜେନା ତାଙ୍କର ସ୍କୁଟିକୁ ବୋମିଖାଲ ପଞ୍ଜାବ ଡିଜେଲ ଦୋକାନ ନିକଟରେ ପାର୍କିଂ କରି ନିଜର କାମକୁ ଯାଇଥିଲେ । ପରେ କାମ ସାରି ଫେରିବା ବେଳେ ତାଙ୍କର ବାଇକକୁ ଆଉ ସେଠାରେ ପାଇନଥିଲେ । ବହୁ ଖୋଜା ଖୋଜି ପରେ ସେ ଲକ୍ଷ୍ମୀସାଗର ଥାନାରେ ଅଭିଯୋଗ କରିଥିଲେ । ଅଭିଯୋଗ ପରେ ପୁଲିସ ମାମଲା ରୁଜୁକରି ତଦନ୍ତ ଚଳାଉଥିବା ବେଳେ କେନ୍ଦ୍ରପଡ଼ା ରାଜନଗର ଥାନାରୁ ଖବର ପାଇ ସେଠାରୁ ଚୋରି ବାଇକକୁ ଜବତ କରିଥିଲା । ହେଲେ ଏହି ମାମଲାର ଅଭିଯୁକ୍ତ ଫେରାର ରହିଥିଲା । ସେବେଠାରୁ ପୁଲିସ ତଦନ୍ତ ଚଳାଇଥିବା ବେଳେ ଅଭିଯୋଗର ୩ ବର୍ଷ ୮ ମାସ ପରେ ଆଜି ଲୁଟେରାକୁ କେନ୍ଦ୍ରପଡ଼ା ଜିଲ୍ଲାରୁ ଗିରଫ କରିବାରେ ସଫଳ ହୋଇଛି ।
