ରାଜ୍ୟସ୍ତରୀୟ ପୁସ୍ତକ ମେଳା ଚୂଡ଼ାନ୍ତ ପ୍ରସ୍ତୁତି
Rasmita Behera
ଯାଜପୁର ଟାଉନ: ରାଜ୍ୟସ୍ତରୀୟ ୧୪ତମ ପୁସ୍ତକ ମେଳା ନିମନ୍ତେ ପ୍ରସ୍ତୁତି ଶେଷ ହୋଇଛି । ଅନନ୍ୟା ସାହିତ୍ୟ ସଂସଦର ସଭାପତି ସନ୍ତୋଷ ନନ୍ଦଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିଲା । କୁସୁମା ପଡ଼ିଆରେ ଚଳିତ ମାସ ଡିସେମ୍ବର ୨୩ ତାରିଖୁରୁ ୩୦ତାରିଖ ପର୍ଯ୍ୟନ୍ତ ଜିଲ୍ଲା ପ୍ରଶାସନ ଓଡ଼ିଆ ଭାଷା ସାହିତ୍ୟ ଓ ସଂସ୍କୃତି ପରିଷଦ ଓ ଅନନ୍ୟା ସାହିତ୍ୟ ସଂସଦ ଉଭୟଙ୍କ ଆୟୋଜକତ୍ୱରେ ପୁସ୍ତକ ମେଳା ଅନୁଷ୍ଠିତ ହେବ । ବୈଠକରେ ବରିଷ୍ଠ ନାଗରିକ, ଛାତ୍ର, ଶିକ୍ଷକ, ଅଧ୍ୟାପକ, ଅଧ୍ୟାପିକା, ସ୍କୁଲ, କଲେଜର ସମସ୍ତ ଛାତ୍ରଛାତ୍ରୀ ବୁଦ୍ଧିଜୀବୀଙ୍କର ସହଯୋଗ କାମନା କରାଯାଇଥିଲା । ଅନନ୍ୟାର ସମ୍ପାଦକ ଡ. କାହ୍ନୁ ଚରଣ ମିଶ୍ର ପୁସ୍ତକ ମେଳାର ପ୍ରସ୍ତୁତି ବିଷୟରେ ସମସ୍ତଙ୍କୁ ସୂଚନା ଦେଇଥିଲେ । ଆଲୋଚନାରେ ଉପସଭାପତି ବିଭୂତିଭୂଷଣ ମହାପାତ୍ର, ଉପଦେଷ୍ଟା ଉଦୟ ନାରାୟଣ ପରିଡ଼ା, ଅଧ୍ୟକ୍ଷ ଅନିଲ ମହାନ୍ତି, ହରିଶ୍ଚନ୍ଦ୍ର ପଣ୍ଡା, ହୃଷିକେଶ ପତି, ଅଶୋକ ଦାସ, ଉମାକାନ୍ତ ସାମଲ, ବିଷ୍ଣୁ ଚରଣ ବେହେରା, ଡ. ବିନୋଦ ଚନ୍ଦ୍ର ନାୟକ, ସୁଧାଂଶୁଶେଖର ରଥ, ଭାବଗ୍ରାହୀ ମିଶ୍ର, ଗଣେଶ୍ୱର ବେହେରା, ଅଖିଳ ମୋହନ ଦାସ, ଅକ୍ଷୟ ଚରଣ ପୃଷ୍ଟି, ଇଚ୍ଛାମୟୀ ଧଳ, ଅକ୍ଷୟ କୁମାର ପଣ୍ଡା, ସୁବାସ ଚନ୍ଦ୍ର ମହାପାତ୍ର, ଅଧିକାରୀ ନବକିଶୋର ଦାସ ପ୍ରମୁଖ ଉପସ୍ଥିତ ରହି ଆଲୋଚନା କରିଥିଲେ ।
