ଝାଡ଼ଖଣ୍ଡ ଓ ଉକ୍ରଳ ଦିବସ

ଓଡ଼ିଆ ଭାଷା ହେଉଛି ଆମ ପ୍ରାଣ, ଆମ ମନ ଏବଂ ଆମ ଆତ୍ମାର ଭାଷା । ଓଡ଼ିଆ ଭାଷା ପ୍ରତି ପ୍ରତିଟି ଓଡ଼ିଆଙ୍କର ଯେଉଁପରି ଆଦର ଓ ଆତ୍ମୀୟତା ତାହା ଅନ୍ୟ ଭାଷା ପ୍ରତି କଦାପି ହୋଇପାରିବ ନାହିଁ । ଉକ୍ରଳ ଦିବସ ଆସିଗଲେ ଦେହ ଭିତରେ ଏକ ପ୍ରକାର ପ୍ରାଣ ଉଲ୍ଲାସ ଭରି ଯାଏ । ସବୁ ବର୍ଷ ପରି ଏ ବର୍ଷ ମଧ୍ୟ ଆସିଯାଇଛି ଉକ୍ରଳ ଦିବସ । ଉକ୍ରଳ ଦିବସ ଆସିଲେ ଏଠାକାର ଓଡ଼ିଆଏ ଉକ୍ରଳ ଆସୋସିଏସନ ମୁହାଁ ହୁଅନ୍ତି । ଏଠାକାର ସାକଚୀ, ସିଦ୍ଧଗୋଡ଼ା, ବାରିଡିହ, ସୋନାରୀ, କଦମା, ବିଷ୍ଣୁପୁର, ମାନଗୋ, ଆଦିତ୍ୟପୁର ଅଞ୍ଚଳର ଲୋକ ଏ ନେଇ ନାନା ସାଂସ୍କୃତିକ କାର୍ଯ୍ୟକ୍ରମ, ଅତିଥି, ଖାଦ୍ୟପେୟ, କାହା କାହାକୁ ସମ୍ମାନିତ କରାହେବ ଏ ନେଇ ନାନାଦି ପ୍ରସ୍ତୁତିରେ ଥାଆନ୍ତି । ୧୯୩୪ ମସିହାରେ ସାକଚୀ ଠାରେ ଝାଡ଼ଖଣ୍ଡ ପ୍ରଦେଶର ଅନ୍ୟତମ ଅଗ୍ରଣୀ ଅନୁଷ୍ଠାନ ଉକ୍ରଳ ଆସୋସିଏସନ ମୁଣ୍ଡ ଟେକିଥିଲା । ସେତେବେଳକାର ସ୍ୱଳ୍ପ ବେତନ ଭୋଗୀ ଓଡ଼ିଆ ମାନଙ୍କ ସହଯୋଗରେ ଏ ଅନୁଷ୍ଠାନ ଜାମସେଦପୁର ସହରର ହୃଦୟସ୍ଥଳୀ ଠାରେ ଦଣ୍ଡାୟମାନ । ଏଠି ପ୍ରତିବର୍ଷ ଦୁର୍ଗାପୂଜା, ରଜ, ରଥଯାତ୍ରା, ସରସ୍ୱତୀ ପୂଜା, ଉକ୍ରଳ ଦିବସ ବିଭିନ୍ନ ମହାପୁରୁଷ ମାନଙ୍କ ଜନ୍ମ ଜୟନ୍ତୀ ଓ ପଣା ସଂକ୍ରାନ୍ତି ଉତ୍ସାହ ଉଦ୍ଦୀପନାର ସହ ପାଳିତ ହୁଏ । ଉକ୍ରଳୀୟ ଚେତନା, ଓଡ଼ିଶାଠୁ କିଛି ଦୂର ଝାଡ଼ଖଣ୍ଡର ଟାଟା ନଗରରେ ଆମେ ଉକ୍ରୁଳ ଦିବସରେ ଦିନଟିକୁ ଅତିବାହିତ କଲାବେଳକୁ ମନ ଭିତରେ ଉଙ୍କି ମାରୁଛି ଅନେକ କଥା । ବାସ୍ତବରେ ଭାଷା ହିଁ ଗୋଟିଏ ଜାତିର ଆତ୍ମ ପରିଚୟ । ଯେଉଁ ଜାତିର ଭାଷା ଯେତେ ଉନ୍ନତ ସେ ଜାତି ସେତେ ମାର୍ଜିତ ଓ ସମୃଦ୍ଧ ଯାହାକୁ ଗୁରୁତ୍ୱ ଦେଇଥିଲେ ଓଡ଼ିଶାର ବରପୁତ୍ରମାନେ । ଭାଷା ବଞ୍ଚôବା ପାଇଁ ଭାଷାର ପ୍ରଚାର ପ୍ରସାରର ଆବଶ୍ୟକତା ରହିଛି । ଓଡ଼ିଆ ଭାଷାକୁ ଅଧିକ ସମୃଦ୍ଧ କରିବା ପାଇଁ ଅଗ୍ରଣୀ ଭୂମିକା ନେଇଥିଲେ ଓଡ଼ିଶାର ବରପୁତ୍ରମାନେ । ଆଜିବି ଉକ୍ରଳ ଆସୋସିଏସନ ପରି ଅନେକ ରାଜ୍ୟରେ ରହିଥିବା ଓଡ଼ିଆ ସଂଗଠନମାନେ ମଧ୍ୟ ଏହି ଦିବସଟିକୁ ଦିବସବ୍ୟାପୀ ବିଭିନ୍ନ କାର୍ଯ୍ୟକ୍ରମ ମଧ୍ୟରେ ପାଳନ କରୁଛନ୍ତି । ୧୯୦୩ରେ ପ୍ରାତଃ ସ୍ମରଣୀୟ ଉକ୍ରଳ ଗୌରବ ମଧୁସୂଦନ ଦାସଙ୍କ ଦ୍ୱାରା ପ୍ରତିଷ୍ଠିତ ଉକ୍ରଳ ସମ୍ମିଳନୀର ମୂଳଲକ୍ଷ୍ୟ ରହିଥିଲା ସମସ୍ତ ଓଡ଼ିଆଭାଷୀ ଅଞ୍ଚଳକୁ ଏକ ଶାସନାଧୀନ କରିବା । ସେହିପରି ୧୯୭୨ରେ ସ୍ୱର୍ଗତଃ ରାଜକିଶୋର ଦାସଙ୍କ ନେତୃତ୍ୱରେ ଓଡ଼ିଶାରେ ସ୍ଥାପିତ ଏକ ଜାତୀୟ ସ୍ତରର ଜନପି୍ରୟ ପୁରାତନ ସାମାଜିକ, ସାଂସ୍କୃତିକ ଅନୁଷ୍ଠାନ ହେଉଛି ନୀଳଶୈଳ । ଓଡ଼ିଶାର ଭାଷା, ସାହିତ୍ୟ, ସଂସ୍କୃତି, ଶ୍ରୀଜଗନ୍ନାଥ ଚେତନା ଏବଂ ଓଡ଼ିଶାର ଐତିହ୍ୟର ପ୍ରଚାର ପ୍ରସାର ଦିଗରେ ଏହା ନିରବଚ୍ଛିନ୍ନ କାର୍ଯ୍ୟରତ । ସେହିପରି  ୧୯୭୦ ମସିହାରେ ଭାଷା ସାହିତ୍ୟ ଓ ସଂସ୍କୃତି ପାଇଁ କାର୍ଯ୍ୟ କରୁଥିବା ସୁପରିଚିତ ଅନୁଷ୍ଠାନ ହେଉଛି ନୀଳଚକ୍ର ଯାହାର ପ୍ରାଣ ପ୍ରତିଷ୍ଠାତା ହେଉଛନ୍ତି ବ୍ରହ୍ମାନନ୍ଦ ପଣ୍ଡା । ସେହିପରି ଓଡ଼ିଶାର ବିଚ୍ଛିନ୍ନାଞ୍ଚଳ ମିଶ୍ରଣ ଦାବୀକୁ ନିରବଚ୍ଛିନ୍ନ ଭାବେ କେନ୍ଦ୍ର ସରକାରଙ୍କ ନିକଟରେ ଉପସ୍ଥାପନ କରି ଏହାକୁ ଗୋଟିଏ ଆନେ୍ଦାଳନର ରୂପ ଦେବା ଆଶାରେ ଉକ୍ରଳ ପ୍ରାଣ ସଚ୍ଚିଦାନନ୍ଦ ମିଶ୍ର ପ୍ରତିଷ୍ଠା କରିଥିଲେ ପୂର୍ଣ୍ଣାଙ୍ଗ ଉକ୍ରଳ ଉନ୍ନୟନ ନ୍ୟାସୀ ମଣ୍ଡଳ । ସେହିପରି ଶହେ ବର୍ଷରୁ ଉଦ୍ଧ୍ୱର୍ କଟକରେ ଥିବା ଭାଷା ସାହିତ୍ୟ ଅନୁଷ୍ଠାନ ହେଉଛି ଉକ୍ରଳ ସାହିତ୍ୟ ସମାଜ । ୧୯୦୩ ମସିହା ମେ ୭ ତାରିଖରେ ଏହା ଗଠନ ହୋଇଥିଲା ଓ ଏହାର ପ୍ରଥମ ସଭାପତି ଥିଲେ ମଧୁସୂଦନ ରାଓ ।  ଓଡ଼ିଆଙ୍କ ଭାବଚେତନା ଓ ଭାଷା ଐତିହ୍ୟକୁ ସୁଦୃଢ଼ କରୁଥିବା ଉକ୍ରଳ ଦିବସ ଏବଂ ଓଡ଼ିଶା ଦେଶର ପ୍ରଥମ ଭାଷାଭିତ୍ତିକ ରାଜ୍ୟ ଭାବେ ୮୯ ବର୍ଷରେ ପଦାର୍ପଣ କରିବାକୁ ଯାଉଛି । ଏହିପରି ଏକ ପବିତ୍ର ଦିନରେ ମନେ ପଡ଼ୁଛି କବି କିଶୋର ଚନ୍ଦ୍ର ଦେବଙ୍କ କବିତାର ଧାଡ଼ିଟି - "ଓଡ଼ିଆ ଆମ ମାତୃଭାଷା, ଓଡ଼ିଆ ଆମ ପ୍ରାଣ, ଓଡ଼ିଶା ଦେଶରେ ଜନ୍ମ ଆମର ଓଡ଼ିଆର କରୁ ଟାଣ । ଆସ ଆସ ଭାଇ ମନପ୍ରାଣ ଦେଇ ରଖିବା ଓଡ଼ିଆ ମାନ, କହିବା ଓଡ଼ିଆ, ପଢ଼ିବା ଓଡ଼ିଆ, ଗାଇବା ଓଡ଼ିଆ ଗାନ ।'
ଇନ୍ଦୁଭୂଷଣ ଭୂୟାଁ,ଜାମସେଦପୁର