ପରିବାରରେ ବୃଦ୍ଧ ପିତାମାତାଙ୍କ ଭୂମିକା

ଘରର ହସଖୁସି ଏବଂ ଆପୋଷ ସଂପର୍କକୁ ମଜଭୂତ କରିବାରେ ପିତାମାତାଙ୍କ ଆଶୀର୍ବାଦ ସହଯୋଗ ଏବଂ ସ୍ନେହମମତା ଯଥେଷ୍ଟ ଲୋଡ଼ା  । କିନ୍ତୁ ଯେତେବେଳେ ପିଲାଙ୍କ ସାଂସାରିକ ଜୀବନରେ ବୃଦ୍ଧ ପିତାମାତା ସହଯୋଗ ପୂର୍ଣ୍ଣ ମନୋଭାବ ପୋଷଣ କରିଥାନ୍ତି ସେତେବେଳେ ସେମାନଙ୍କୁ ଶୋଚନୀୟ ଅବସ୍ଥା ଭୋଗିବାକୁ ପଡ଼େ  । 
ଆଜିକାଲି ଅଧିକାଂଶ ପତିପତ୍ନୀଙ୍କ ଚିନ୍ତା ଧାରା ବଦଳି ଗଲାଣି  । ବିବାହ ପରେ ସେମାନେ ଅଲଗା ଘର କରି ରହିବା ପାଇଁ ପସନ୍ଦ କରୁଛନ୍ତି  । ସ୍ୱାଧୀନତା ଏବଂ ଆତ୍ମନିର୍ଭରଶୀଳତା ଉଭୟକୁ ସେମାନେ ନିଜର ଅହଂ ବୋଲି ଭାବୁଛନ୍ତି  । ସେମାନେ ସବୁ କିଛି ନିଜେ କରିବା ପାଇଁ ଚାହୁଁଛନ୍ତି  । କିନ୍ତୁ ଏକାକୀ ପରିବାରରେ ମଧ୍ୟ ବୃଦ୍ଧ ପିତାମାତାଙ୍କର ଆବଶ୍ୟକତା ରହିଛି  ।  ସେମାନେ ମଧ୍ୟ ପରିବାର ପାଇଁ କିଛି କାର୍ଯ୍ୟ କରି ପାରିବେ  । ନିଜେ ସବୁ ଦାୟିତ୍ୱ ମୁଣ୍ଡକୁ ନେଇ ଅସୁବିଧାରେ ପଡ଼ିବା ପରିବର୍ତ୍ତେ ପିତାମାତାଙ୍କ ଦ୍ୱାରା ଯାହା ସମ୍ଭବ ସେହି କାର୍ଯ୍ୟ ସେମାନଙ୍କୁ ଦେଲେ ଠିକ୍ ବୋଲି କହିବାକୁ ହେବ  । 
ପତି-ପତ୍ନୀ ଏକାକୀ ସବୁ କାର୍ଯ୍ୟ କରିବା ପାଇଁ ସକ୍ଷମ ଥିଲେ ସୁଦ୍ଧା ନିଜ ବୃଦ୍ଧ ପିତାମାତାଙ୍କ ଭାବନାତ୍ମକ ସହଯୋଗ, ସେମାନଙ୍କର ସ୍ନେହ ଏବଂ ଆଶୀର୍ବାଦର ଆବଶ୍ୟକତା ରହିଛି  । ଯଦି ପତି-ପତ୍ନୀ ଦୁହେଁ ଚାକିରି କରୁଛନ୍ତି ତେବେ ନିଜର ଛୋଟ ଶିଶୁମାନଙ୍କର ସୁରକ୍ଷା ଏବଂ ଦେଖାଶୁଣାର ଦାୟିତ୍ୱ ନେଇ ଚିନ୍ତିତ ନ ହୋଇ ପିତାମାତାଙ୍କ ସାହାଯ୍ୟ ନିଅନ୍ତୁ  ।  ଚିନ୍ତା ଏବଂ ସଂଘର୍ଷପୂର୍ଣ୍ଣ ପରିସ୍ଥିତିରେ ଆପଣଙ୍କ ଭାବନାତ୍ମକ ସହଯୋଗ ଏବଂ ଅନୁଭବ ସେମାନଙ୍କୁ ସମ୍ବଳ ପ୍ରଦାନ କରିବା ପରି ଲାଗିବ  । ପିଲାମାନଙ୍କୁ ସ୍କୁଲକୁ ନେବା ଆଣିବା କାର୍ଯ୍ୟ ପ୍ରାୟତଃ ସେମାନଙ୍କ ଜେଜେବାପା କରିଥାନ୍ତି  । ତେଣୁ ତାଙ୍କୁ ସେଥିରୁ ନିବୃତ୍ତ କରନ୍ତୁ ନାହିଁ  । ଆଜିକାଲି ପ୍ରାୟତଃ ପିଲାମାନେ ଟିଭି, କମ୍ପୁ୍ୟଟର, ପ୍ଲେଷ୍ଟେସନ ଆଦିରେ ବସି ନିଃସଙ୍ଗତା ଦୂର କରୁଛନ୍ତି  । ତେବେ ଏହା ପରିବର୍ତ୍ତେ ସେମାନଙ୍କୁ ଆପଣଙ୍କ ପିତାମାତା ଅର୍ଥାତ୍ ସେମାନଙ୍କ ଜେଜେ, ଜେଜେମା, ଭଲ ମାର୍ଗ ଦର୍ଶନ ଦେଇ ପାରିବେ  ।  ପିତାମାତା ଆପଣଙ୍କ ପାଖରେ ରହିଲେ ସେମାନଙ୍କର ଏହି ସମସ୍ୟା ରହିବ ନାହିଁ ଏବଂ ସେମାନେ ନିଜକୁ ସୁରକ୍ଷିତ ମନେ କରିବେ  ।
 କଟକ